【新手媽媽注意!】奶粉熱氣好難搞,轉奶粉又唔知邊隻奶粉好?雅X心X力、美X臣A+、XX美素佳兒金裝好唔好逐隻比較

唔少新手媽媽都問我邊隻奶粉好,因為好多媽媽都會擔心奶粉熱氣,令BB冇晒胃口,又會發燒。So far我都畀BB試過好幾隻牌子,好似雅X、美X臣、XX美素佳兒我都試過。今日就來分享下到底雅X心X力、美X臣A+、XX美素佳兒金裝好唔好啦!

拆解奶粉熱氣迷思

熱氣唔係大人先有,我發現囝囝每次熱氣就幾日先有一次便便,仲成日都打嗝、嘔奶,有時半夜喊聲仲會特別尖,如果你嘅小朋友平日都有呢啲問題,或者食嘢冇胃口,肚仔脹脤,好可能都係奶粉熱氣,嚴重起上嚟仲有機會發燒!

其實奶粉熱氣,係因為奶粉入面嘅棕櫚油代謝時會產生「棕櫚酸」,當佢同腸道入面嘅「鈣離子」結合,就會產品「鈣皂」,BB腸胃難以消化,令到便便乾燥,太硬無法排出,造成便秘。所以唔少醫生都會建議餵母乳畀BB,因為母乳嘅營養成分容易消化,BB腸道吸收得好啲之餘,便便亦都會軟啲,好可惜我唔夠母乳,所以一定要餵奶粉……

我奶奶成日會話,囝囝多眼屎,便便又乾又臭,一定係奶粉熱氣啦,要煲啲涼茶畀佢飲喇!之但係BB仲細,體質虛弱,唔同大人,邊夠膽畀涼茶佢飲。其實我問過醫生,其實西醫一直都冇「奶粉熱氣」呢個講法,不過BB有機會消化唔到奶粉入邊嘅蛋白質,所以我就會揀啲蛋白質份子比較細嘅奶粉,容易消化。另外,就算BB熱氣我都唔建議大家畀涼茶BB飲,平時畀BB飲多啲水都係一個好方法。

拆解奶粉熱氣迷思

解決BB奶粉熱氣恩物

之前我家姐生第一胎嘅時候,我都問過佢邊隻奶粉好,佢大女就係食雅X心X力,但細仔冇時間餵就食奶粉,試過美X臣A+,後來又轉XX美素佳兒金裝。但我當時都唔知XX美素佳兒金裝好唔好,直到囝囝嘅便秘情況持續左2個月,我就的起心肝認真研究。我自己研究咗好耐邊隻奶粉好,亦都聽左好多人嘅意見,包括醫生,所以我決定從兩方面揀唔熱氣嘅奶粉。

首先,要揀一啲易消化既嘅奶粉,粉奶入面嘅蛋白份子一定要夠細,細份子既蛋白份子可以令到BB易消化吸收D同會軟化BB既便便,大既蛋白份子就會難消化D,正如BB幼嫩既腸胃消化唔到D 硬既食物咁。BB便便暢順,自然唔會奶粉熱氣啦!

其次,所以與其問邊隻奶粉好,不如睇下佢有冇自己嘅農場,如果係自家農場,鮮奶可以直送廠房,適溫處理,保留最多既天然蛋白小份子。奶粉既蛋白質更貼近天然結構,BB更容易消化,Daddy Mammy就唔使驚奶粉熱氣。

因為我真係試咗好多方法,冇辧法之中膽粗粗就試下`XX美素佳兒金裝。So far fit到我上面兩個要求。囝囝食咗大概一個月,佢嘅「奶粉熱氣」情況真係有所改善,最主要係佢由幾日一次便便變返一日一次,而且唔會谷到好硬,便便變返靚仔!如果依加有人問我美素佳兒金裝好唔好,我一定答好,因為解決左我囝囝既奶粉熱氣問題。至於邊隻奶粉好?奶粉係好personal既,未必係一款奶粉就啱曬全部BB。Daddy Mammy記得要觀察BB食奶粉之後既情況,希望大家既BB都搵到啱自己既奶粉,健康成長啦!

解決BB奶粉熱氣恩物

*本文章有關的奶粉熱氣內容均屬個人意見,並不代表任何品牌(公司)與本網站言論或立場。若BB便秘情況沒有改善或嚴重,請教醫生意見。

圖片來源:shutterstock