幾個月前去聽講座，陪月員建議各位媽媽餵人奶，因為人奶有豐富營養，可以幫助BB發育，增強抵抗力。而講座入面亦都有教授母乳餵哺嘅方法。其實自從阿B出世之後，我都係買奶粉畀佢食，因為覺得餵人奶好麻煩，又唔知自己夠唔夠人奶餵。但聽完陪月員建議之後，都心郁郁想試下，始終BB健康先係我最關心嘅事。
我返到屋企之後就做咗啲開於母乳餵哺嘅research，母乳嘅營養好豐富，母乳分為初乳同後乳，初乳裡面含有抗體、抗發炎物質、蛋白質、白血球等免疫因子，所以母乳餵哺係可以幫助BB對抗病菌，初乳嘅免疫物質仲可以黏附喺BB嘅腸道表面，防止細菌同病毒入侵，係佢哋身體嘅第一道防線。
而後乳就係成日聽到人講既「營養精華層」。當我地餵人奶既時候，睇見人奶凍咗擺耐咗就會分成兩層, 深色嗰層，黃黃哋色既就係脂肪。咁係因為人奶裡面既乳脂比水輕，當靜置一陣之後，脂肪球就會浮上奶水既表面，形成睇得見既精華層，亦即係好多媽媽口中既「天然乳脂精華」。天然乳脂精華係可以為BB提供營養同埋飽肚感，亦負責BB嘅器官發育。當中嘅礦物質、蛋白質、脂肪酸、DHA、AA及益菌素等，對BB嘅腦仔、眼仔同腸臟等等發育有好大幫助。香港衞生處亦指出，母乳餵哺對BB有好處，因為人奶的脂質對BB既生長同發育都非常重要。如果乳脂層越厚，代表母乳營養越豐富。
So，作為一個媽咪最滿足嘅事，莫過於可以餵人奶，可以揼出質優量多、蘊含厚厚乳脂層嘅人奶俾我個BB！呢層天然乳脂精華層是份充滿營養同愛意嘅禮物。就算我點辛苦，甚至改變自己嘅生活習慣都好，都要俾最好嘅嘢佢。為咗呢個「禮物」, 我真係犧牲咗好多嘢。 
前排我就開始餵人奶，點知就遇到塞奶情況，揼咗好耐都冇奶出，成個乳房位置好脹同好痛，乳頭有少少出血，又紅又腫咁，真係痛到想打人，最嚴重嗰幾日係身體feel到好似發燒咁唔舒服，餵人奶真係好艱鉅。
坊間有唔少催乳方法可以令媽咪喺母乳餵哺時冇咁辛苦，陪月員建議用凍毛巾涼敷，涼涼地又唔怕凍傷皮膚組織。另外，可透過胸部按摩手法，舒緩谷奶及母乳餵哺痛楚，由乳房外圍向住乳頭方向輕輕打圈，按摩全個乳房。另外，唔係餵人奶嘅時候，可以預備奶樽儲奶，輕輕垂直向下壓乳房，再向乳頭方向擠就得。
除此之外，母乳係會隨住周圍環境而有所改變，所以媽媽嘅飲食習慣對於母乳餵哺都好重要！除咗BB之外，而家都有專為媽媽而設嘅營養奶粉，可以幫助餵人奶嘅媽媽增加母乳入面嘅營養。以下就係一啲揀營養奶粉嘅貼士：
揀營養奶粉除咗要有豐富維他命同葉酸之外，一定睇下成分裡面有冇天然sn-2 Palmitate，佢係一種喺天然乳脂内嘅元素，有助減少鈣皂形成，令媽咪保持腸胃健康，促進鈣質吸收。媽咪營養夠，自然俾到BB最好嘅母乳啦！
最後一定要揀真正Low GI（低升糖）嘅奶粉，坊間有好多奶粉飲落都好好味，因為入面有大量糖，所以，一定要識揀。低升糖即係GI=25，除咗可以提升飽腹感，仲有助維持健康體重同有助穩定血糖。
母乳餵哺需要付出好多努力，唔單止要持續控制自己嘅飲食，仲要控制自己嘅心情！所以作為媽咪嘅我哋一定keep住令自己心境開朗，餵人奶都要餵得開心，各位絲打我哋一齊加油！
*本文章有關的母乳餵哺內容均屬個人意見，並不代表任何品牌（公司）與本網站言論或立場。
圖片來源：shutterstock
