俗語有云「一白遮三醜」，除咗保持肌膚白裡透紅，牙齒美白嘅重要性亦不容忽視，想有迷人笑容，就一定要注意牙齒健康！時下唔少人都鍾意飲茶或者咖啡等嚟提神，但久而久之呢啲深色嘅飲品會形成難以去除嘅牙漬。要幫牙齒美白都唔係一朝一夕嘅事，坊間有各色各樣嘅美白牙齒產品，持之以恆使用效果都幾顯著。其中美白牙膏價錢最為合理，所以深受大眾青睞。今次就同大家講下美白牙膏邊隻好，為各位推薦五款人氣美白牙膏，對比唔同品牌產品嘅特點，等大家可以選購之前了解更多唔同產品嘅亮點，為自己打造美麗笑容！
了解牙漬的形成及美白牙膏原理
介紹邊隻美白牙膏好之前，首先了解一下牙漬係點形成先啦！形成牙漬嘅原因大致上有兩個，第一個原因普遍都係由食物所造成，食物中含有色素，特別係咖啡、茶、紅酒等深色嘅飲品，久而久之，色素就會沈澱並形成一層色膜附喺牙齒表面，令牙齒泛黃，甚至出現褐色。
第二個導致牙齒泛黄原因就係年齡增長，當年齡越大，牙齒表面嘅半透明琺瑯質就會漸漸變薄，而牙齒內層成淺黄色嘅牙質會相對地增厚，所以牙齒望落就會較黃。
唔想牙齒變黄，大家就要記得養成早晚刷牙嘅習慣，避免食物色素積聚喇！而要重點美白牙齒，好多人都會選擇使用美白牙膏，價錢相宜又有效。牙膏嘅美白方法分為化學性美白同物理性美白，化學性美白係指利用「多聚磷酸」為牙齒去除牙漬同預防色素沈澱，如果想提升牙齒光澤度，就可以選擇含有「輕基磷灰石」成份嘅產品，因為牙齒有97％都係由輕基磷灰石組成，呢種成份具有吸附性，而且無毒，可以幫助修復牙齒表面嘅微細損傷，可以令牙齒更透亮有光澤，輕鬆擁有淨白牙齒！
而物理性美白就係透過利用摩擦原理去除牙齒表面牙漬，最普遍嘅物理磨擦劑有碳酸鈣、磷酸氫鈣、水合矽石等，原理就好似平日清潔碗碟表面咁，持續使用就可以將牙漬帶走。
美白牙膏邊隻好？各種美白成份你要知！
1.SPLAT斯白美白牙膏
SPLAT斯白係一個好全面嘅口腔護理產品品牌，佢哋針對唔同口腔問題，推出多款相應嘅牙膏，單單主打美白功效嘅牙膏就已經有3種唔同程度嘅選擇，包括「極致速效美白牙膏」、「天然美齒亮白牙膏」同「黑木竹炭亮白牙膏」。好多時有敏感牙齒嘅朋友都會唔知邊隻美白牙膏好，SPLAT嘅產品全部都屬於低敏性，絕對係敏感牙齒嘅福音！
極致速效美白牙膏：如果你係平時好鍾意飲咖啡、紅酒，咁就千祈唔好錯過呢款美白牙膏，佢利用3重美白科技，有效潔淨牙齒表面，分解頑固牙漬，又唔傷琺瑯質。
天然美齒亮白牙膏：呢款牙膏可以話係佢哋最暢銷嘅產品之一，屬於輕柔式美白，以圓形拋光粒子摩擦牙齒，去除頑固牙漬，仲有天然酵素抑制菌斑形成，有效保持口腔潔淨！
黑木竹炭亮白牙膏：呢款牙膏採用竹炭微粒配合溫和打磨粒子，有效去除頑固牙垢而不傷琺瑯質，更具有抗氧化杜松果複合物，可減少口腔細菌，同口氣講byebye！
2.石澤研究所齒磨撫子小蘇打無垢淨白牙膏
相信平日有留意skincare嘅朋友對呢個牌子一啲都唔陌生，石澤研究所嘅洗面乳深受用家歡迎，佢嘅牙膏都唔例外！佢嘅美白牙膏加入咗微細嘅小蘇打粉顆粒，發揮溫和磨砂效果，唔單只可以有效分解食物油脂，同時去除牙齒表面嘅陳年黃垢，仲可以減低香煙焦油、茶漬同咖啡等色素。
而向來石澤研究所主打成分天然，呢款牙膏仲利用植物性皂素作為起泡劑，不含防腐劑等有害成分，雖然起泡力唔太高，但清潔力依然一流，最重要係敏感牙齒都用得！
3.Marvis美白牙膏
睇到Marvis牙膏嘅包裝即刻有一種16世紀復古感覺，呢支嚟自意大利嘅美白牙膏近年人氣極高，仲有人叫佢做牙膏界的Hermès，當然除咗包裝之外，佢嘅美白力都唔弱啦！佢採用以木糖醇同脫水山梨糖醇作為基礎成份，天然零刺激，可以稍微淡化咖啡和茶漬，同時保護牙齦，keep住口腔清潔，更有效防止蛀牙，唯一唔好就係佢嘅起泡力就唔太高。
4.高露潔 OPTIC WHITE BEAUTY™ 極致亮白牙膏
終於講到大家都好熟悉嘅牙膏老牌子喇，高露潔 OPTIC WHITE BEAUTY™ 極致亮白牙膏同一般產品線好唔同，採用閃閃嘅紅色包裝，倍添氣派。佢利用醫學級美白因子，滲入牙齒內層，去除長年累積牙漬，同時可以呵護琺瑯質，不過都有網友表示佢嘅美白度唔太夠，試過嘅朋友又覺得點呢？
5.Dentiste'Plus White 夜用牙膏
泰國嘅產品各來平靚正，CP值極高，今次介紹嘅Dentiste'Plus White 夜用牙膏都唔例外，佢主打溫和草本配方，包括以沒藥、鼠尾草、尤加利樹等十四種天然草本植物作為成份基底，達致美白牙齒功效，溫和不刺激，同時保持口氣清新。不過就未必每個人都接受到濃濃嘅草本味道。
選購美白牙膏3大要點
1.留意牙膏的成分
上文提及要美白牙齒，物理磨擦劑同化學藥劑都不可或缺，挑選美白牙齒時可以留意一下有冇「多聚磷酸」、「輕基磷灰石」等成份，去評估邊隻美白牙膏好啲。不過要留意一點，如果牙膏入面含有「過氧化物」，小編就唔建議使用喇，因為有可能會造成牙釉質損傷，引致牙齒敏感等不適反應㗎！
2.個人牙齒健康狀態
除了美觀外，牙齒健康同樣重要，有敏感牙齒或者牙周病嘅朋友最好睇下邊隻美白牙膏比較溫和，避免選擇含有漂白劑嘅牙膏，雖然美白效果較佳，但會對牙齒同牙齦造成刺激。
3.研磨劑顆粒大小
研磨劑係美白牙膏嘅必要成份，但如果研磨劑顆粒太大，唔單止無法配合牙齒凹凸表面進行清潔，仲可能會磨蝕表面琺瑯質，造成牙齦發炎。所以選擇美白牙膏時，就最好留意埋入面嘅研磨劑顆粒大小係咪小於20um(0.02mm)。
私心推介：精選SPLAT斯白美白牙膏
市面上有好多唔同產品聲稱可以極速美白，有時都唔知揀邊隻美白牙膏先最好，上面提及過嘅5大人氣美白牙膏中，小編就最鍾意SPLAT美白牙膏，佢嘅產品喺全球六十幾個國家都有發售，「極致速效美白牙膏」、「天然美齒亮白牙膏」同「黑木竹炭亮白牙膏」都係暢銷榜number one，而且不含SLES清潔起泡劑、酒精、三氯生等化學物質。講到邊隻美白牙膏最好，其實3款所針對嘅口腔問題都有分別，以下係小編們嘅試用感。
「極致速效美白牙膏」嘅三重美白科技就包括Carbamide Peroxide亮白成分、天然菠蘿酵素因子，同獨家專有HAP添加鈣成分，可以保護敏感牙齒，同時鞏固琺瑯質。小編用咗四星期牙齒明顯白咗兩度，佢係三隻美白牙膏入面美白度最高，建議有頑固牙漬嘅朋友選用。
而「天然美齒亮白牙膏」就較為溫和，佢採用國際專利技術 SP. White System，以圓形拋光粒子溫柔摩擦牙齒，唔傷琺瑯質，當中嘅木瓜蛋白酶同鉀離子分別可以破壞口腔牙菌斑同保護牙齒，減少敏感情況。用咗四星期後效果都唔錯，只係對比「極致速效美白牙膏」冇咁明顯，仲可以保持口氣清新12個鐘以上。
最後「黑木竹炭亮白牙膏」係小編最鍾意嘅一款，佢嘅氣味比較清新，因為成份係提取自植物，最啱牙齒敏感嘅朋友。佢嘅竹炭微粒配合溫和打磨粒子，可以去除牙垢，低刺激不傷琺瑯質，仲有抗氧化杜松果複合物，有效減少口腔細菌。大家不妨試下，按照自己需要去睇下邊隻美白牙膏最好、最適合啦！
關於SPLAT 斯白
SPLAT 斯白源自俄羅斯，擁有超過二十年生產口腔護理產品經驗，以「純天然、安全、專業實證」為宗旨，為大眾開發及生產創新及高品質的純天然口腔護理產品，並於全球60多個國家發售。SPLAT斯白深明用家對亮白牙齒、健康牙齦、強健琺瑯質的渴求，故此自資創立研發中心及實驗室，研發多重功效口腔護理產品及兒童專用系列，以嶄新科技滿足大眾需求，針對性解決不同口腔問題。
同時，SPLAT斯白屬於綠色環保生產，其環保生產廠房通過GMP cosmetics、ISO 9001及CO2-neutral等多項國際環保管理及質量管理的體系認證。產品亦榮獲50多項國際專利，提倡無添加6大化學物質，不含SLES起泡劑、Paraben防腐劑、人造染料、人造香料、侵蝕性磨料及消毒劑，締造潔淨溫和享受，致力為大眾提供更優質健康的口腔護理體驗。
*本文章有關美白牙膏的內容均屬個人意見，並不代表任何品牌（公司）與本網站言論或立場。
