香港嘅夏天又濕又熱，有時候室內開曬冷氣，但一出外面就熱到焗爐咁，好容易就咁「攝」親。加埋疫情時好時壞，大人都好容易中招，更何況BB免疫力本身就比大人差，做媽咪嘅真係好擔心。小編個囡囡今年一歲零八個月大，佢一唔舒服就會成晚喊。BB夜晚喊到拆天，大人細路都冇法子瞓得好。所以「如何增強嬰兒免疫力」一直係小編嘅首要課題。以下就係幾個小編幾個幫BB增強免疫力嘅秘訣。
想要增強BB免疫力，首先要了解免疫發系統嘅發展過程：
嬰兒時期 | 幼兒時期 | |
免疫系統發展 | 免疫系統未成熟 免疫保護主要來自母體胎盤IgG抗體，但只能維持六個月 2歲之前免疫系統可塑性大 腸道菌相多樣性對日後健康好重要 | 後天免疫系統成熟，具記憶能力 |
感染風險 | 風險最高 感染率最高 若母體不再提供抗體，抗體就會消失 易有異位性皮膚炎及過敏性腸胃炎 | 風險高 感染率高 轉為易有過敏性鼻炎和上呼吸道症狀 |
資料來源：Nutrients, 2018, 10(10), 1531
從上面嘅資料睇到，在兩歲之前，都係為增強BB免疫力打好基礎嘅好時機。
增強嬰兒免疫力秘訣一：嚴選嬰兒奶粉
1.要有HMO+GOS免疫組合
小編嘅BB係食奶粉大嘅，作為BB嘅主糧，所以我好注重奶粉嘅品質。市面上好多奶粉牌子都以母乳低聚糖HMO作為賣點，標榜自己有高含量嘅HMO，可以提高BB免疫力。但其實奶粉淨係得HMO係冇法子畀BB足夠嘅保護。仲必需配合埋低聚半乳糖GOS，雙重免疫組合有助減少上呼吸道感染達67%，對呼吸道有保護作用，並支持BB免疫力，從外在保護BB嘅上呼吸道健康。
2.奶粉原料要用液態全脂牛奶
用液態全脂牛奶做原料的奶粉，只需經過一次必要性適溫處理，避免過度加工，完美保留液態全脂牛奶嘅天然營養成份。其中天然sn-2 Palmitate有助減少鈣皂形成，媲美自然喂哺，支持BB吸收天然乳脂營養。天然乳脂畀到BB足夠營養，從內在增強BB原乳免疫力，畀BB天然內在守護。仲可以幫助維持BB嘅腸道健康，軟化便便，改善BB夜晚喊嘅情況。夜晚瞓得好啲，有強健體魄，BB免疫力自然好啦。
3.無添加糖或香精
BB食得健康啲，係有助增強BB免疫力。但市面上有啲奶粉為咗令奶粉好味啲，會加好多蔗糖同雲呢拿味香精落去，如果BB長期飲「有添加」嘅奶粉，會誘發細胞分泌大量的「促炎激素」，刺激BB各種免疫細胞，影響免疫系統嘅正常運動。所以各位爹地媽咪幫BB揀奶粉時，要選擇無加任何蔗糖同香料嘅奶粉。
增強嬰兒免疫力秘訣二：多做運動
疫情期間小編都好少帶BB出街，無辧法啦。但其實多啲活動下，曬下太陽吸收下維他命D係可以增強BB免疫力。所以小編會喺屋企同BB多做下親子運動，同佢郁下手郁下腳，鼓勵佢做下爬行，翻身，行路等等嘅動作。多做運動仲有一個好處，就係幫BB放下電，等佢用曬啲精力，自然BB夜晚喊少啲。
增強嬰兒免疫力秘訣三：建立正常作息時間
如果BB夜晚喊，係會嚴重影響佢哋嘅睡眠質素同埋BB免疫力系統嘅修復能力。BB免疫力唔夠，又會成日病，病咗又會夜晚瞓唔好，形成一個惡性循環，所以要盡早幫BB培養一個正常嘅作息習慣。萬一BB夜晚喊得好犀利，做父母嘅首先要確保BB嘅健康狀況，其次可以試下從環境著手改善BB夜晚喊嘅情況。例如放一啲white noise，房間裝隔音墊等。但如果做曬都冇法改善BB夜晚喊嘅情況，要即刻帶BB去睇醫生啦！
增強嬰兒免疫力秘訣四：保持衛生
保持個人及居家環境嘅衛生對增強BB免疫力都好重要。如果避免唔到一定要帶BB出門，翻到屋企之後記得要幫BB洗手同換翻套乾淨衫。BB嘅被鋪最好一星期就換一次，床單被鋪乾淨啲，減少塵蟎，都瞓得舒服啲啦，BB夜晚喊嘅機會咪少啲囉。BB會掂或者會行過嘅地方都記得要經常清潔，畢竟BB免疫力都仲好低，盡量減少佢哋接觸唔好嘅細菌或病毒都係提高免疫力嘅方法之一。
*本文章有關增強嬰兒免疫力的內容均屬個人意見，並不代表任何品牌（公司）與本網站言論或立場。如您有任何嬰兒免疫力相關的問題，宜請教醫生意見。
圖片來源：shutterstock
