肥仔波 點減,肥仔波

夏天除咗係瘦人地獄,仲更加係肥人唔想面對嘅季節!除咗大汗體臭等令人側目嘅問題,一對顯眼嘅肥仔波,足以令到一眾肥人街都唔想出!不過有啲體格正常嘅人,都唔知點解會有對肥仔波,究竟可以點減?又係咩原因造成呢?以下一篇文章將會同你逐一分析!

形成肥仔波的5大原因


圖/thefitnessbooster

形成肥仔波的5大原因

(1)-過肥

青春期係男性發育黃金時期,如果在該時段內吃得過多食物或不健康,就容易積聚脂肪,加上脂肪有機會抑制睪丸激素產生,令多餘脂肪有可能形成喺胸部上,望上去更似女人乳房,令男人大為尷尬。

(2)-年齡

人隨著年紀愈大,睪丸激素就愈來愈少,也會出現所謂中年危機。除咗甩頭髮之外,機能下降外,新陳代謝亦會減慢,身體更容易變肥,脂肪容易會集中身體中央,包括肚腩及胸部,如果缺乏運動就會加劇肥仔波嘅嚴重性。

(3)-睡眠不足

睡眠時間長短同形成肥胖問題有重大關係。有研究指出如果睡眠不足,體內壓力荷爾蒙「腎上腺皮質素」會增加分泌,從而增加飢餓感14-30%,令肥人更加肚餓,每日會食更多食物,容易攝取更多熱量,處於發育狀態的兒童和青少年更受影響,愈食愈肥之下就容易出現肥仔波。

形成肥仔波的5大原因


圖/Slate

(4)-遺傳

肥仔波都有可能受到遺傳影響。研究顯示,肥胖父母兒女肥胖概率高達70%-80%,但如果父母是偏瘦,則只有10%肥胖機率。可見如果肥胖父母都有肥仔波,咁小朋友長大之後都容易有肥仔波。

(5)-疾病

肥仔波學名稱為「男性乳房發育症」(又稱男性乳腺增生)是激素相關乳腺組織腫脹,令男性胸部中乳房組織異常增大。除了因為體重上升,亦有可能因為荷爾蒙波動、使用類固醇、長期服用藥物而引起,例如長期服用胃藥、精神科藥物、慢性心臟病藥等慢性藥物,都有機會令肥仔波出現。所以如果喺街上見到有人掛住一對肥仔波,千祈唔好歧視,因為佢都唔想!

形成肥仔波的5大原因


圖/fit&elegant

有咩方法減走肥仔波?

肥仔波令人咁煩惱,究竟點樣先可以減走到呢一對體脂過高嘅肥仔波呢?

首先就由今日開始改善飲食習慣:

-計算你每日所需嘅卡路里總和(TDEE),之後只攝取TDEE嘅90%卡路里,如你一日所需2000卡路里,就只吃1800~1900卡路里嘅食物。

-戒零食、汽水、甜品、快餐、油炸食物、罐頭等…所有垃圾食物都要避免!

-加工食物要戒,盡量食天然無加工嘅有機食物

-每日都要食蔬果,最好係有機蔬果!

-飲水都好重要,因為幫助身體新陳代謝,每日最少要飲2L(公升)水

形成肥仔波的5大原因


圖/Qunitfit

一開始緊係覺得難,但為咗減走肥仔波,幾難嘅方法都要堅持落去!

堅持落去一定會有成效,但如果想加快成效,集中減走胸部多餘嘅脂肪,將佢哋變成肌肉,由肥仔波變大胸肌,就一定要配合運動!

建議一星期最少運動三次,先做1小時重量訓練,再額外做多半小時的帶氧運動,令到脂肪燃燒得更多!

重量訓練可以專選集中胸肌的部位,當然背、腹、腳等大肌肉部位都要訓練,但為了減走肥仔波,可以多以下胸訓練為主,以減走「飛釘」的情況。

下胸訓練如下斜槓鈴推舉、下斜啞鈴推舉、史密斯下斜推舉、上斜掌上壓、雙槓撐體等都可以幫助減走肥仔波!唔洗再問點減,一齊撇甩肥仔波,迎接夏天!

形成肥仔波的5大原因


圖/healthline

如果肥仔波真係超巨大,而且誘發原因係因為睾丸激素同雌激素水平失衡,你就可能要接受藥物治療,甚至進行減乳手術。呢個手術喺男性之中都幾常見,所以唔使尷尬,盡快諮詢專業醫生意見,想減就減啦!

快來看看健身紅人如何減肥仔波

常見問題

肥仔波手術需要多少錢?

做肥仔波的手術的費用大約三至四萬元港幣。

出現肥仔波的原因是什麼?

是因為男性乳腺增生或者胸部脂肪積聚形成的,成因一般分為兩種,原發性和繼發性。

有咩方法減走肥仔波?

可以通過改善飲食習慣以及配合做有氧運動,可以有效的減走肥仔波。